• This email address is being protected from spambots. You need JavaScript enabled to view it.
  •  +27 12 331 2341

Wreed

 

Ek breek my oë

en verloor my sig.

Die wreedste waarheid -

my seer is terug.

Ek klim bome van hoop

en val sonder om te glo.

Eendag is toe nooit,

hoe kom ek tot bo?

Ek krap my vel stukkend,

wens net ek kon bloei.

Om my binnekant te rus

en ophou daarmee stoei.

Ek verf prentjies van waansin

en belowe ek word nie mal.

Soos ek hope siniele goed sê

wat op onopgevoede ore val.

Ek vou my hand reguit

en vryf oor warm lug,

en voel die wreedste gevoel -

my seer is terug.

 

♥ Tassha